कुकुरलाई बन्ध्याकरणसँगै जुकाको औषधि !
<p>दमौली। तनहुँका सडकमा रहेका कुकुरको बन्ध्याकरण गरिएको छ।</p>
<p>भेटेरीनरी अस्पताल तथा पशु विज्ञ केन्द्र तनहुँले सडकमा रहेका २३ वटा कुकुरलाई समातेर बन्ध्याकरण गरेको छ।</p>
<p>ती कुकुरलाई रेबिज, छालाको रोगविरुद्धको सुई तथा जुकाको औषधि पनि खुवाइएको केन्द्रका प्रमुख डा. बालकुमार श्रेष्ठले जानकारी दिए।</p>
<p>बेवारिसे कुकुरको संख्या बढ्दै गएपछि प्रजनन दर नियन्त्रणका लागि दमौली बजारका कुकुरलाई समातेर बन्ध्याकरण गरिएको हो।</p>
<p>विज्ञ केन्द्र र व्यास नगरपालिकाले संयुक्तरुपमा ९ माघदेखि भोलिसम्म कुकुरका लागि स्वास्थय शिविर आयोजना गरेका छन्।</p>
<p>“बेवारिसे कुकुरको संख्या बढ्दै जाँदा बजार क्षेत्रमा बढी होहल्ला हुने र कुकुरको टोकाइले रेबिज रोगको संक्रमण हुने खतरा भएकाले कुकुरलाई स्थायी बन्ध्याकरणका साथै रेबिजविरुद्धको सुई लगाइएको हो”, श्रेष्ठले भने।</p>
<p>कुकुरको लागि राखिएको शिविरमा विज्ञ केन्द्रका तीन र पोखराबाट तीन विज्ञ पशु चिकित्सक खटिएका छन्।</p>
<p>बजार क्षेत्रमा कुकुर देखिए खबर गरिदिन विज्ञ केन्द्रले नगरवासीलाई आग्रह गरेको छ। <em>रासस</em></p>
<p> </p>
प्रतिक्रिया दिनुहोस्
.jpg)
