Others

गृहपृष्ठ

पानी अझै पर्ने, ३ दिनको मौसम अनुमानसहित काठमाडौं। नेपालमा बंगालको खाडी र अरब सागरबाट जलवाष्पयुक्त हावा आइरहेकोले अझै केहि दिन वर्षा हुने मौसम पूर्वानुमान महाशाखाले जनाएको छ। महाशाखाका अनुसार आज देशका पूर्वी र पश्चिमि भू-भागमा आंशिक देखि सामान्य बदली रही पूर्व, मध्य र पश्चिमका थोरै स्थानहरुमा हल्का वर्षा हुनेछ। भारतको उत्तर प्रदेशमा रहेको न्यून चापीय प्रणालीको असर नेपालको पूर्वी र मध्य भू-भागमा परेको महाशाखाले आज विहान विज्ञप्ती निकालेर जनाएको छ। आजदेखि ३ दिनको मौसम पूर्वानुमान यसप्रकार छ: १३ असोज : दिउँसो: देशका पूर्वी र पश्चिमि भू-भागमा आंशिक देखि सामान्य बदली रही बांकी भू-भागमा आंशिक बदली रहनेछ। पूर्व र मध्यका केहि र पश्चिमका थोरै स्थानहरुमा हल्का वर्षा हुनेछ।  राति: देशको पूर्व र मध्य भेगमा आंशिक देखि सामान्य वदली रही पूर्व र मध्यका केहि र पश्चिमका थोरै स्थानहरुमा हल्का वर्षा हुनेछ। १४ असोज :  दिउँसो: देशभर आंशिक बदली रही थोरै स्थानहरुमा हल्का वर्षाको सम्भावना छ। राति:  देशका पूर्व र मध्य पहाडी भू-भागमा आंशिकदेखि सामान्य वदली रही पूर्व र मध्य पहाडी भू-भागका थोरै स्थानहरुमा हल्का वर्षा हुनेछ। १५ असोज :  दिउँसो: देशभर आंशिक बदली रही एक-दुई स्थानमा हल्का वर्षाको सम्भावना छ। राति:  देशभर आंशिक बदली रही पूर्व र मध्य पहाडी भू-भागका थोरै स्थानहरुमा हल्का वर्षा हुनेछ।