कोरोना भाइरस संक्रमणको आशंकाका थप दुईजना अस्पताल भर्ना
<p>काठमाडौं। कोरोना भाइरसको संक्रमणको आशंकामा थप दुईजनालाई अस्पताल भर्ना गरिएको छ।<br />
<br />
काठमाडौंको टेकुस्थित शुक्रराज ट्रपिकल तथा सरुवा रोग अस्पतालमा उनीहरू भर्ना भएका हुन्।</p>
<p>अस्पताल स्रोतका अनुसार रुघाखोकी र श्वासप्रश्वासमा समस्यालगायतका कोरोना भाइरस संक्रमितमा हुने लक्षण देखिएपछि भर्ना गरिएकामा एक पुरुष र एक वयस्क महिला छन्।<br />
<br />
उनीहरूमध्ये काठमाडौं कीर्तिपुर बस्ने पुरुष १० माघ र ललितपुरकी एक महिला ११ माघमा अस्पताल भर्ना भएका हुन्।</p>
<blockquote>
<p>"कोरोना भाइरसबाट संक्रमित तथा शंकास्पद बिरामीको उपचारका लागि अस्पतालमा छ वटा ‘आइसोलेसन’ वार्डको स्थापना गरेका छौं। "- प्रवक्ता डा. अनुप वास्तोला</p>
</blockquote>
<p>"लक्षणको आधारमा उनीहरू कोरोना संक्रमणको आशंकामा उच्च निगरानीमा छौं", उपचारमा संलग्न एक चिकित्सकले भने, "यकिन गर्न रगत, खकारको नमूना परीक्षण गर्न बाहिर पठाइसेका छौं। रिपोर्ट आउन दुई/चार दिन लाग्छ।"</p>
<p>केही दिनअघि चीनको वुहानबाट फर्किएका एक नेपाली विद्यार्थीमा कोरोना भाइरसको संक्रमण देखिएको पुष्टि भइसकेको छ।</p>
<p>कोरोना भाइरसबाट संक्रमित तथा शंकास्पद बिरामीको उपचारका लागि अस्पतालमा छ वटा ‘आइसोलेसन’ वार्डको स्थापना गरिएको शुक्रराज सरुवा रोग ट्रपिकल तथा सरुवा रोग अस्पतालका प्रवक्ता डा. अनुप वास्तोलाले <em>देखापढी</em>लाई बताए।</p>
<p>यो भाइरसबाट संक्रमित बिरामी उपचारमा आउन थालेसँगै टेकु अस्पतालमा स्वास्थ्यकर्मीहरुलाई उपचारमा पुर्‍याउनुपर्ने सावधानीबारे सजग गराइएको छ।</p>
<p><img alt="" height="720" src="https://www.dekhapadhi.com/storage/photos/shares/Health/teku saruwa rog hospital.jpg" width="960" /></p>
<p>“हामीले अस्पतालमा आउने बिरामी तथा कुरुवाहरूमा समेत 'प्रिभेन्सन' को उपाय अवलम्बनका लागि परामर्शको गर्रन स्वास्थ्यकर्मी खटाएका छौं। आत्तिनु जरुरी छैन तर सचेत भने हुनैपर्छ”, बास्तोलाले भने।</p>
<p>पछिल्लो समय चीन, हङकङ, जापान, अमेरिकामा देखिएको कोरोना भाइरसको संक्रमण नेपालमासमेत देखिएपछि सरकारले उपचारका लागि तयारी अवस्थामा रहन देशैभरका सबै अस्पतललाई निर्देशन दिएको छ।</p>
<p>स्वास्थ्य तथा जनसंख्या मन्त्रालयमा ११ माघमा बसेको बैठकले कोरोना भाइरसको जोखिम बढेको निष्कर्षसहित तयारी अवस्थामा रही आवश्यक सजगताको लागि निर्देशन दिएको हो।</p>
<p>मन्त्रालयका प्रवक्ता महेन्द्रप्रसाद श्रेष्ठका अनुसार कोरोना भाइरसबाट संक्रमणको शंकास्पद लक्षण देखिने बिरामी आएमा तुरुन्तै उपचार गर्न सकिने व्यवस्था मिलाउन साथै जनशक्ति, औषधि र उपकरण तयारी अवस्थामा राख्‍न भनिएको छ।</p>
<p><img alt="" height="556" src="https://www.dekhapadhi.com/storage/photos/shares/Health/TIA-Health-Desk.jpg" width="900" /></p>
<p>यस्तै त्रिभुवन विमानस्थलको स्वास्थ्य सहायता कक्षलाई थप सक्रिय बनाइएको इपिडिमियोलोजि तथा रोग नियन्त्रण महाशाखा टेकुका वरिष्ठ स्वास्थ्य प्रशासक डा. प्रकाश शाहले जानकारी दिए।</p>
<p>“हामीले प्रभावित क्षेत्रबाट आउने यात्रुहरुको सबै तथ्यांकसहित स्वास्थ्य परीक्षण गरिरहेका छौं। कोही शंकास्पद भेटिएमा तत्काल ‘रेस्पोन्स’ गर्ने गरी स्वास्थ्यकर्मीहरू पनि परिचालित छन्”, शाहले भने, “सँगसँगै कोरोना भाइरसको संक्रमणबाट देखिने लक्ष्ण र जोगिनका लागि अपनाउनुपर्ने उपायको बारेमा सचेतनाका लागि पनि विज्ञहरूसहितको टीम तयारी छ।”</p>
<p><strong>पढ्नुहोस्:</strong></p>
<p><a href="https://dekhapadhi.com/news/5736" target="_blank">‘कोरोना भाइरससँग नआत्तिनुस् बरू जोगिनुस्’ सरुवा रोग विशेषज्ञ डा. शेरबहादुर पुनसँगको अन्तर्वार्ता (भिडिओसहित)</a></p>
<p><a href="https://www.dekhapadhi.com/news/5734" target="_blank">नेपालमा पनि भेटियो कोरोना भाइरस, जोगिने कसरी ?</a></p>
<p> </p>
प्रतिक्रिया दिनुहोस्
.jpg)
