प्रदेश २ को स्थायी राजधानी जनकपुरधाम राख्ने सहमति, नाममा छलफल हुँदै
<p>काठमाडौं। प्रदेश २ को स्थायी राजधानीका विषयमा सहमति जुटेको छ।</p>
<p>सभामुख सरोजकुमार यादवको संयोजकत्वमा गठित संसदीय विशेष समितिमा स्थायी राजधानी जनकपुरधाममै राख्ने सहमति जुटेको हो।</p>
<p>“राजधानीका विषयमा एक किसिमको सहमति जुटेको छ”, सभामुख यादवले भने, “तर प्रदेश सभाबाट दुईतिहाइले पारित हुनुपर्छ।”</p>
<p>भोलि, १३ माघमा हुने नाम र राजधानीको टुंगो लगाउन गठित संसदीय समितिको बैठकमा अब नामका विषयमा सहमति जुटाउने प्रयास हुनेछ।</p>
<p>सभामुख यादवका अनुसार अहिले प्रस्तावमा आएका नामहरू मधेश, जानकी र मिथिला–भोजपुरा प्रदेश हुन्। यी नामहरूमा छलफल गरी सहमतिमा पुग्ने प्रयास गरिने उनको भनाइ छ।</p>
<p>“माघ महीनाभित्रै नाम र राजधानीको विषय टुंगिन्छ, त्यसपछि संसदबाट दुईतिहाइले पारित गर्न सहज हुनेछ”, उनले भने।</p>
प्रतिक्रिया दिनुहोस्
.jpg)
