कोरोना भाइरस परीक्षण अब नेपालमै
<p>काठमाडौं। कोरोना भाइरसजस्ता संक्रामक रोगको नमूना परीक्षण गर्न ६ वर्षअघि ल्याइएको ल्याब बल्ल सञ्चालन हुने भएको छ।</p>
<p>सो ल्याब सञ्चालन गर्न आवश्यक पर्ने विशेष केमिकल राष्ट्रिय जनस्वास्थ्य प्रयोगशाला टेकु आइपुगेको छ।</p>
<p>विश्व स्वास्थ्य संगठनको आर्थिक र विश्व बैंकको आर्थिक तथा प्राविधिक सहयोगमा २०१४ मा ‘बीएसएल थ्री’ ल्याब नेपाल ल्याइएको थियो।</p>
<p>१० करोड रूपैयाँमा जडान गरिएको सो ल्याब सरकाले सञ्चालन गरेको थिएन। प्रयोगशालाकी निर्देशक डा. रुना झाले आजबाट ल्याब सञ्चालन हुने बताएकी छन्।</p>
<p>ल्याब सञ्चालनसँगै कोरोना भाइरस परीक्षण पनि नेपालमै हुने भएको छ।</p>
<p>कोरोना आशंका गरी टेकु अस्पतालले तीनजताको नमूना सो प्रयोगशालामा पठाइसकेको आजको नयाँ पत्रिका दैनिकमा समाचार छ।</p>
<p>डा. झाका अनुसार रुघाखोकीका बिरामी पनि कोरोना भाइरस परीक्षण गरिदिनू भनेर आउन थालेका छन्।</p>
<p>सरकारले आपत्कालीन अवस्था भनेर परीक्षण शुल्क नलिने भएको छ। शुल्क अहिलेसम्म तोकिएको पनि छैन।</p>
<p>टेकु अस्पतालमा कोरोना भाइरसको आशंका गरिएका दुईजना बिरामी छन्।</p>
<p>४८ वर्षकी महिला बेइजिङबाट नेपाल आएकी हुन्। उनी ११ माघमा अस्पताल भर्ना भएकी हुन्।</p>
<p>त्यस्तै अर्का एक २२८ वर्षका पुरुष हङकङबाट फर्किएका हुन्।</p>
<p>उनलाई कोरोना भाइरसको आशंकामा १० माघमा ग्रान्डी अस्पतालले टेकु रेफर गरेको हो।</p>
प्रतिक्रिया दिनुहोस्
.jpg)
