केन्द्रीय कमिटी बैठकबारे छलफल गर्न नेकपा सचिवालय बैठक बस्दै
<p>काठमाडौं । सत्तारुढ नेपाल कम्युनिष्‍ट पार्टी (नेकपा) को सचिवालय बैठक आज बस्दै छ।</p>
<p>१५ माघदेखि बस्न लागेको केन्द्रीय कमिटीको बैठकको तयारीबारे छलफल गर्न अपरान्ह ४ बजे सचिवालय बैठक डाकिएको नेकपा प्रचार विभाग उपप्रमुख सूर्य थापाले बताए।</p>
<p>"भोलिदेखि शुरू हुने केन्द्रीय कमिटीको बैठक सचिवालय बैठकको मूल अजेण्डा छ", प्रधानमन्त्रीका प्रेस सल्लाहकारसमेत रहेका थापाले <em>देखापढी</em>सँग भने।</p>
<p>अध्यक्षद्वयको राजनीतिक प्रतिवेदन र महासचिवको सांगठानिक कार्ययोजना सचिवालयले पारित गर्ने र त्यसलाई केन्द्रीय कमिटी बैठकमा प्रस्तुत गरिने छ।</p>
<p>१५ माघको केन्द्रीय कमिटी बैठकको शुरुआत गर्दै नेकपा अध्यक्ष एवं प्रधानमन्त्री केपी शर्मा ओलीले केन्द्रीय सदस्यहरुलाई सम्बोधन गर्ने छन्।</p>
<p>अर्का अध्यक्ष पुष्‍पकमल दाहालले राजनीतिक प्रतिवेदन बैठकमा पेस गर्ने बताइएको छ।</p>
<p>तत्कालीन नेकपा एमाले र नेकपा माओवादी केन्द्रको एकीकरणबाट गठित नेकपाको केन्द्रीय कमिटी ४४५ सदस्यीय छ।</p>
<p>एकतापछि एकपल्ट मात्र केन्द्रीय कमिटी बैठक बसेको छ।</p>
<p>राष्‍ट्रिय सभागृहमा बस्ने बैठकमा प्रस्तुत राजनीतिक प्रतिवेदनमाथि समूहगत रुपमा छलफल हुने कार्यसूची छ।</p>
प्रतिक्रिया दिनुहोस्
.jpg)
