चितवनमा भेटिए १०६ नयाँ एचआईभी सङ्क्रमित
<p>चितवन। चितवनका विभिन्न स्थानमा गरिएको स्वास्थ्य परीक्षणमा १०६ नयाँ एचआईभी सङ्क्रमित भेटिएका छन्।</p>
<p>भरतपुर अस्पतालमा रहेको एन्टी रेक्ट्रो भाइरल थेरापी (एआरटी) सेन्टरका अनुसार सन् २०१९ मा २० हजार ६४६ को परीक्षणका क्रममा ती नयाँ सङ्क्रमित भेटिएका हुन्।</p>
<p>सङ्क्रमितमध्ये १०४ ले नियमित औषधि सेवन गर्दै आएका छन्। सङ्क्रमितको सङ्ख्या ९९१ पुगेको छ।</p>
<p>सेन्टरका कार्यक्रम संयोजक कृष्णहरि सापकोटाका अनुसार एचआईभी सङ्क्रमितलाई क्षयरोगबाट जोगाउन ७०२ लाई औषधि प्रदान गरिएको छ। गत वर्षमा ६ सङ्क्रमितले सुरक्षित बच्चा जन्माएका छन्।</p>
<p>गत वर्ष १३ सङ्क्रमितले औषधि सेवन गर्न छाडेको सापकाेटाकाे भनाइ छ।<em> रासस</em></p>
प्रतिक्रिया दिनुहोस्
.jpg)
