शिवमाया तुम्बाहाङफे नेकपाको केन्द्रीय सदस्यमा मनोनीत
<p>काठमाडौं। सत्तारुढ नेपाल कम्युनिष्ट पार्टी (नेकपा)ले पूर्वउपसभामुख शिवमाया तुम्बाहाङ्फेलाई केन्द्रीय सदस्यमा मनोनीत गरेको छ।</p>
<p>हिंजो बसेको नेकपा सचिवालय बैठकले तुम्बाहाङ्फेलाई केन्द्रीय सदस्यमा मनोनयन गर्ने निर्णय गरेको हो। </p>
<p>तुम्बाहाङ्फेले प्रतिनिधि सभामा रिक्त रहेको सभामुख पदमा आफ्नो दावी प्रस्तुत गरेकी थिइन्। तर, नेकपाले अग्निप्रसाद सापकोटालाई सभामुख बनाउने निर्णय गरेको थियो। सभामुख निर्वाचन प्रक्रियाका लागि उनले उपसभामुखबाट राजीनामा गरेकी थिइन्।</p>
<p>उपसभामुख बन्दा पार्टी सदस्यता त्यागेकी तुम्बाहाङ्फेलाई फेरि पार्टीको सक्रिय राजनीतिमा ल्याउने निर्णय नेकपाले गरेको हो। उपसभामुख बन्नुअघि उनी एमालेको केन्द्रीय सदस्य थिइन्।</p>
प्रतिक्रिया दिनुहोस्
.jpg)
