Others

गृहपृष्ठ

शहीदको सपना साकार बनाउन संकल्प गरौँ : सभापति देउवा काठमाडौं। नेपाली कांग्रेसका सभापति एवं पूर्वप्रधानमन्त्री शेरबहादुर देउवाले देश र लोकतन्त्रको हित रक्षाका निम्ति सानातिना मतभेदलाई बिर्सेर शहीदको सपनालाई साकार बनाउन संकल्प गर्नुपर्ने बताएका छन्।           शहीद दिवसका अवसरमा सन्देश जारी गर्दै सभापित देउवाले नेपाललाई एक सुन्दर, शान्त एवं समुन्नत राष्ट्रमा परिणत गर्न जिम्मेवार सबै पक्षलाई शहीद दिवसले प्रेरणा प्रदान गर्ने विश्वास लिएका छन्। लोकतान्त्रिक पद्धतिमा मात्र व्यक्तिको वैयक्तिक स्वतन्त्रता र स्वाभिमानको रक्षा हुने भन्दै उनले शुभकामना सन्देशमा यसबाट विद्यमान विसंगतिको अन्त्य हुने र राष्ट्रले द्रुतरुपमा विकास गर्ने उल्लेख गरेका छन्।  “सुदृढ र सबल लोकतन्त्रबाट मात्रै नेपाल एक सुन्दर, शान्त र समुन्नत राष्ट्रमा परिणत हुनेछ भन्ने परिकल्पना र विश्वासमा ती देशभक्त वीर सपुतले आफूलाई सहर्ष उत्सर्ग गरेका थिए”, देउवाले सन्देशमा भनेका छन्।