कोरोना भाइरस: तातोपानी नाकामा हेल्थ डेस्क राखियो
<p>चौतारा। कोरोना भाइरसको संक्रमण फैलिन नदिन चीनसँगको उत्तरी नाका तातोपानीमा स्वास्थ्य सहायता कक्ष (हेल्थ डेस्क) स्थापना गरिएको छ ।</p>
<p>भोटेकोशी गाउँपालिकासँग समन्वय गरी हेल्थ डेस्क सञ्‍चालन गरिएको प्रमुख जिल्ला अधिकारी गोमादेवी चेम्जोङले बताएकी छन्।</p>
<p>डेस्कमा स्वास्थ्य परीक्षणको क्रममा कोरोना भाइरस संक्रमणको लक्षण देखिए वा आशंकित विरामीलाई तत्काल काठमाडौं पठाइने जिल्ला जनस्वास्थ्य अधिकृत दुर्गादत्त चापागाईंले जानकारी दिए।</p>
<p>खासा क्षेत्रमा शुरुदेखि नै चिनियाँ चिकित्सकबाट स्वास्थ्य परीक्षण गरी सामान्य ज्वरो आएका व्यक्तिलाई पनि नेपाल प्रवेशमा रोक लगाउँदै आएको छ। </p>
<p>२०७२ को भूकम्पपछि बन्द तातोपानी नाका गत १५ जेठबाट पुनः सञ्चालनमा आएको थियो।</p>
<p> </p>
प्रतिक्रिया दिनुहोस्
.jpg)
