नेविसंघले एक वर्षपछि नेतृत्व पायो, ४८ वर्षीय राजिव ढुंगाना अध्यक्ष मनोनीत
<p>काठमाडौं। लामो रस्साकस्सीपछि नेपाली कांग्रेसको भ्रातृ संगठन नेपाल विद्यार्थी संघले झण्डै एक वर्षपछि नेतृत्व पाएको छ। </p>
<p>कांग्रेस सभापति शेरबहादुर देउवाले नेविसंघको केन्द्रीय तदर्थ कार्यसमितिका पदाधिकारी नियुक्त गरेसँगै नेविसंघले नेतृत्व पाएको छ।</p>
<p>देउवाले सुनसरीका राजिव ढुंगानालाई नेविसंघको अध्यक्ष नियुक्त गरेका छन्। यसैगरी, काठमाडौंका मनोज वैद्य र पाल्पाका महेश्वरी कुँवरलाई महामन्त्रीमा नियुक्त गरेका छन्।</p>
<p>कांग्रेसको विधान २०१७ (संशोधन सहित) को धारा ४२ (१) (च) बमोजिम नेविसंघमा नेतृत्व दिइएको कांग्रेसले जनाएको छ।</p>
<p>तदर्थ समितिमा रहेकाहरू आगामी केन्द्रीय महाधिवेशनमा उम्मेद्वार बन्न पाउने छैनन्। </p>
<p>समितिलाई आउँदो ६ महीनाभित्र नेविसंघको १२औं केन्द्रीय महाधिवेन गराइसक्ने कार्यभार दिइएको छ। </p>
<p>समितिले १२औं महाधिवेशनसम्म केन्द्रीय कार्यसमितिले प्रयोग गर्ने विधान बमोजिमका काम, कर्तव्य र अधिकारको प्रयोग गर्नेछ।</p>
<p>२९ माघ २०७५ मा नेविसंघको तत्कालीन केन्द्रीय कार्यसमिति विघटन भएको थियो। १२औं महाधिवेशनमा २९ माघ २०७७ मा ३२ वर्ष उमेर ननाघेका व्यक्तिले मात्र भाग लिने पाउनेछन्।</p>
<p>हाल तदर्थ समितिको अध्यक्षमा मनोनीत भएका ढुंगाना भने ४८ वर्षीय हुन्। तदर्थ समितिका बाँकी पदाधिकारीहरू चाँडै नै मनोनयन गरिने कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए।</p>
प्रतिक्रिया दिनुहोस्
.jpg)
