सदनलाई जीवन्त कसरी बनाउने भन्नेमै केन्द्रित छु- सभामुख सापकोटा
<p>काठमाडौं। सभामुख अग्निप्रसाद सापकोटाले सदनलाई कसरी जीवन्त बनाउने भन्ने विषयमा आफ्नो ध्यान केन्द्रित भएको बताएका छन्। </p>
<p>आज पत्रकारहरूसँग कुरा गर्दै सभामुख सापकोटाले सदनमा जीवन्त छलफलको वातावरण निर्माण गर्ने बताएका हुन्। </p>
<p>“सदनलाई जीवन्त बनाउन सकियो भने सबैलाई राम्रो गर्छ। यसले सांसदहरूको योग्यता, क्षमतामा पनि अभिवृद्धि गर्छ”, सापकोटाले भने। </p>
<p>सभामुख सापकोटाले आफू ‘डबल स्ट्याण्ड’ नहुने र पत्रकारहरूसँग सहयात्रा गर्न तयार रहेको बताए। </p>
<p>उनले गुणस्तरीय रिपोर्टिङका लागि प्रतिनिधि सभामा लवी रिर्पोटिङ व्यवस्था गर्ने प्रतिबद्धता समेत जनाएका छन्।</p>
<p>यो व्यवस्था भएपछि पत्रकारहरूले संसद चलेको अवस्थामा सांसदहरू बसेको स्थानमा बसेर रिर्पोटिङ गर्न सक्नेछन्। </p>
<p>यो व्यवस्था अहिलेसम्म नेपालमा थिएन।</p>
<p>सभामुखको प्रतिबद्धता अनुसार व्यवस्था लागू भएमा संसदीय मामिला सम्बन्धी रिर्पोटिङ गर्ने पत्रकारहरूका लागि सूचना संकलनमा अझ सहजता आउने विश्वास गरिएको छ। </p>
प्रतिक्रिया दिनुहोस्
.jpg)
