कोरोना भाइरस : विश्व स्वास्थ्य संगठनद्वारा 'विश्वव्यापी स्वास्थ्य आपतकाल' घोषणा
<p>काठमाडौं। चीनसहित अन्य मुलुकमा कोरोना भाइरसको संक्रमण तीब्र गतिमा फैलिएपछि विश्‍व स्वास्थ्य संगठन (डब्ल्यूएचओ) ले विश्वव्यापी स्वास्थ्य आपतकाल घोषणा गरेको छ।</p>
<p>भाइरसको प्रकोप अन्य देशहरुमा पनि फैलनेप्रति सचेत गराउँदै यसलाई महामारीका रुपमा फैलिन सक्ने भय रहेको भन्दै डब्ल्यूएचओले विश्वव्यापी रूपमा आपतकाल घोषणा गरेको अन्तर्राष्‍ट्रिय सञ्‍चारमाध्यमहरूले जनाएका छन्।</p>
<p>डब्ल्यूएचओका प्रमुख टेड्रोस अडनोम गेब्रियसले चीनमा के भइरहेको छ भन्दा पनि अरु देशमा के भैरहेको छ भन्नेमा बढी केन्द्रित रहेर विश्व स्वास्थ्‍य आपतकालीन अवस्था घोषणा गर्नुपरेको बताएका छन्।</p>
<p>"थप प्रसारलाई सीमित गर्न हामी सबैले अब सँगै काम गर्नुपर्दछ," उनले भने। </p>
<p>कोरोना भाइरसको संक्रमणबाट चीनमा २१३ जनाको मृत्यु भइसकेको छ।</p>
<p>चीनको वुहान प्रान्तमा गत डिसेम्बरमा पहिलोपटक देखिएको कोरोना भाइरसको संक्रमण हङकङ, जापान, अमेरिका, नेपाललगायतका कम्तिमा १८ देशमा पुगेको छ।</p>
प्रतिक्रिया दिनुहोस्
.jpg)
