कानूनमन्त्री आउन नसक्ने भएपछि प्रदेश सभा बैठक स्थगित
<p style="text-align:justify">कैलाली। सुदूरपश्चिम प्रदेश सभाको आजको बैठक स्थगित गरिएको छ।</p>
<p style="text-align:justify">आन्तरिक मामिला तथा कानूनमन्त्री प्रकाश शाह उपस्थित हुन नसक्ने भएकाले बैठक स्थगित गरिएको प्रदेश सभा सचिवालयका सचिव रामसिंह धामीले जानकारी दिए।</p>
<p style="text-align:justify">आज डाकिएको बैठक १९ माघ दिउँसो १ बजेसम्मको लागि स्थगित गरिएको छ।</p>
<p style="text-align:justify">आजको बैठकमा "सुदूरपश्चिम प्रदेशमा रेडियो एफ.एम र टेलिभिजन सम्बन्धमा व्यवस्था गर्न बनेको विधेयक २०७६" विषयगत समितिमा लैजाने कार्यसूची तय गरिएको थियो।</p>
<p style="text-align:justify">उक्त विधेयकलाई कानूनमन्त्रीले विधायन तथा प्रदेश मामिला समितिमा पठाउने कार्यसूची थियो। </p>
<p style="text-align:justify">तर, सम्बन्धित मन्त्रालयका मन्त्री विशेष कारण अनुपस्थित हुने भएपछी बैठक स्थगित गरिएको सचिव धामीले बताए।</p>
<p style="text-align:justify">उक्त विधेयकमा प्रमुख प्रतिपक्षी नेपाली कांग्रेसले संशोधन प्रस्ताव दर्ता गराएको छ।</p>
<p style="text-align:justify">महत्त्वपूर्ण विषयमा छलफल चलिरहेको समयमा मन्त्री नहुनु बेठिक भएको कांग्रेस संसदीय दलका नेता डा. रणबहादुर रावलले बताए।</p>
.jpg)
