सुमीको ‘भावका तरङ्ग’ बजारमा
<p>काठमाडौं। कवि सुमी लोहनीको पहिलो कथासङ्ग्रह ‘भावका तरङ्ग’ बजारमा आएको छ।</p>
<p>कथाकारले पुस्तकमा महिला र पुरुषको सन्दर्भलाई सुन्दर ढङ्गले प्रस्तुत गरेको साहित्यकारहरुले बताएका छन्।</p>
<p>१३ असोजमा काठमाडौंको एक कार्यक्रममा कथासङग्रहबारे समालोचना गर्दै स्रष्टा हेम भण्डारीले प्रतिरोध चेतनाको नमूना ‘भावका तरङ्ग’ मा देखिने बताए।</p>
<p>स्रष्टा शैलेन्द्र प्रकाशले पुस्तक जीवन्त र सन्देशमूलक रहेको भन्दै प्रशंसा व्यक्त गरे।</p>
<p>पाँच हाइकु र कवितासङ्ग्रह तथा तीन कृतिको अनुवाद गरिसकेकि लोहनीको मरुद्यानका फूलहरु, अनुपमा, री, झिँगापुरको महायात्रालगायत कृति प्रकाशित भइसकेको छ। <em>रासस</em> <br />
</p>
प्रतिक्रिया दिनुहोस्
.jpg)
