भारतले नेपाललाई यो वर्ष पौने १३ अर्ब अनुदान दिने
<p>काठमाडौं। भारतले वार्षिक रूपमा नेपाललाई दिँदै आएको अनुदान रकम यो वर्ष घटाएको छ।</p>
<p>१८ माघमा भारत सरकारले आर्थिक वर्ष सन् २०२०/२१ का लागि सार्वजनिक गरेको बजेटमा नेपाललाई आठ अर्ब भारु (१२ अर्ब ८० करोड रूपैयाँ) अनुदान दिने उल्लेख गरेको छ।</p>
<p>जुन गत आर्थिक वर्षको भन्दा ३३ दशमलव ३३ प्रतिशतले कम हो।</p>
<p>भारतीय अर्थमन्त्री निर्मला सीतारमणले आव २०२०/२१ को बजेट प्रस्तुत गर्दै नेपाललाई यो रकम अनुदान दिने घोषणा गरेकी हुन्।</p>
<p>भारतले आव २०१९/२० मा नेपाललाई १९ अर्ब २० करोड (१२ अर्ब भारु) अनुदान दिएको थियो।</p>
<p>त्यस्तै २०१८/१९ मा १२ अर्ब २१ करोड रूपैयाँ (सात अर्ब ६३ करोड भारु) अनुदान दिएको थियो।</p>
<p>भारतले यसरी नेपाललाई दिने यो अनुदान उसले दिने अन्य अनुदान रकमभन्दा छुट्टै हो।</p>
<p>भारतीय प्रधानमन्त्री नरेन्द्र मोदीले घोषणा गरेको एक खर्ब भारु अनुदानलगायतका अनुदानमा यसमा समावेश नहुने आजको आर्थिक अभियानले समाचार लेखेको छ।</p>
<p>भारतले नेपाल, मोरिसस, माल्दिभ्स र श्रीलंकालाई दिने अनुदानमा कटौती गरेको छ भने भुटान, बंगलादेश र मंगोलियाको अनुदान बढाएको छ। </p>
प्रतिक्रिया दिनुहोस्
.jpg)
