चिकित्सा शिक्षा संघर्ष समितिकाे चारबुँदे माग, पूरा नभए आन्दोलनमा उत्रने
<p>काठमाडौं। चिकित्सा शिक्षा संघर्ष समितिले चारबुँदे माग राख्दै १० दिनकाे अल्टिमेटम दिएको छ।</p>
<p>समितिले प्रेस विज्ञप्ति जारी गर्दै सो अवधिमा पनि मागहरू पूरा नभए आन्दोलनमा उत्रिने चेतावनीसमेत दिएको छ।</p>
<p>समितिले काठमाडौं युनिभर्सिटी अन्तर्गतका विद्यार्थीबाट अतिरिक्त रकम असुलेको विषयमा अनुसन्धान गरी विद्यार्थीलाई न्याय दिनुपर्ने जनाएको छ।</p>
<p>त्यस्तै आफ्नो अधिकारका लागि लड्दै गर्दा गण्डकी मेडिकल कलेज, चितवन मेडिकल कलेज, नेपाल मेडिकल कलेज र युनिभर्सल कलेजका प्रथम र द्वितीय वर्षका विद्यार्थीहरूले दिन पाएको वार्षिक परीक्षाको वातावरण मिलाउनुपर्ने जनाएको छ।</p>
<p>तेस्रो र चौथो वर्षका विद्यार्थीबाट असुल गरिएको अतिरिक्त शुल्क छिटो फिर्ता गर्नुपर्ने र प्रवेश परीक्षाको तयारी गरिरहेका सम्पूर्ण विद्यार्थीहरूलाई पाठ्यक्रमको अन्योलताबाट निकाल्दै यथाशीघ्र पाठ्यक्रम प्रकाशिन गर्नुपर्ने संघर्ष समितिले माग गरेको छ।</p>
प्रतिक्रिया दिनुहोस्
.jpg)
