चाइना साउदर्नको नेपाल उडान कटौती
<p>काठमाडौं। कोरोना भाइरस संक्रमणसँगै यात्रु घटेपछि चाइना साउदर्न एयरलाइन्सले चीन-नेपालको उडान कटौती गरेको छ।</p>
<p>सो एयरलाइन्सले चीनको ग्वान्झाउस्थित अन्तर्राष्ट्रिय विमानस्थलबाट काठमाडौंमा दैनिक दुईवटा उडान गर्दै आएको थियो।</p>
<p>त्रिभुवन अन्तर्राष्ट्रिय विमानस्थलका प्रवक्ता देवचन्द्रलाल कर्णले <em>देखापढी</em>सँग भने, “चाइना साउदर्नले बिहान र साँझ गरेर दैनिक दुई उडान गर्छ। उसले फ्रेव्रुअरी १० सम्मको लागि साँझको उडान स्थगित गरेको छ।”</p>
<p>बिहानको उडानमा वाइड बडी र साँझको उडानमा न्यारो बडीको जहाज हुँदै आएको थियो। </p>
<p>चीनबाट नेपाल आउने र जाने यात्रु नै हुन छाडेकाले चाइना साउदर्नले न्यारो बडीको उडान बन्द गरेको कर्णले बताए।</p>
<p>चीनको ग्वान्झाउस्थित विमानस्थललाई ट्रान्जिट बनाएर अमेरिका, अस्ट्रेलिया, क्यानडा लगायतका देशबाट नेपाली स्वदेश फर्कने गर्दथे।</p>
<p>तर, चीनमा कोरोना भाइरसको संक्रमणले महामारीको रूप लिएपछि ग्वान्झाउस्थित विमानस्थललाई ट्रान्जिट बनाएर बनाएर नेपाल आउनेहरूले ट्रान्जिट परिवर्तन गरिरहेका छन्। </p>
<p> </p>
प्रतिक्रिया दिनुहोस्
.jpg)
