‘म हुँ र म गर्न सक्छु’ नाराका साथ विश्व क्यान्सर दिवस मनाईँदै
<p>काठमाण्डौं। ‘म हुँ र म गर्न सक्छु’ भन्ने मूल नाराका साथ आज विश्‍वभर विभिन्न कार्यक्रम गरी विश्‍व क्यान्सर दिवस मनाईँदै छ।</p>
<p>समयमै पहिचान भइ उपचार भएमा क्यान्सर निको हुन सक्ने भएकाले सर्वसाधारणलाई यो रोगबारे सचेत गराउन हरेक वर्ष ४ फ्रेब्रुअरीमा विश्‍व क्यान्सर दिवस मनाउने गरिएको छ।</p>
<p>नेपालमा पनि विभिन्‍न सरकारी तथा गैरसरकारी संस्थाको अगुवाइमा क्यान्सरसम्बन्धी चेतनामूलक कार्यक्रम गरिँदैछ।</p>
<p>विश्‍वमा एक वर्षमा झण्डै दुई करोड मानिसलाई क्यान्सर रोग लाग्‍ने तथ्यांक छ। </p>
<p>नेपालमा झण्डै ६० हजार क्यान्सरका बिरामी रहेको अनुमान छ । </p>
<p>अधिकांश बिरामी अन्तिम अवस्थामा मात्रै उपचारका लागि अस्पताल जाने गरेका छन् ।</p>
<p>नेपालमा पाठेघरको मुख, फोक्सो, आन्द्रा, पेट, स्तनको क्यान्सरका बिरामी धेरै छन्।</p>
<p>अस्वस्थ्यकर खानपान तथा बदलिदो जीवनशैली क्यान्सरको कारणमध्येको एक मानिन्छ।</p>
<p>चिकित्सकका अनुसार अत्याधिक मदिरा, चुरोट र सूर्तीजन्य पदार्थ सेवन गरेमा क्यान्सर लाग्ने खतरा धेरै हुन्छ।</p>
<p> </p>
प्रतिक्रिया दिनुहोस्
.jpg)
