नेकपा अध्यक्ष दाहाल र बेलायती राजदूत पोलिटबीच भेटवार्ता
<p>काठमाडौं। नेपाल कम्युनिष्ट पार्टीका अध्यक्ष पुष्पकमल दाहाल र नेपालका लागि संयुक्त अधिराज्य (बेलायत) का नवनियुक्त राजदूत निकोला पोलिटबीच भेटवार्ता भएको छ।</p>
<p>खुमलटारमा आज बिहान भएको शिष्‍टाचार भेटवार्तामा दुई देशबीचको आपसी हितका विषयमा कुराकानी भएको बताइएको छ। </p>
<p>अध्यक्ष एवं पूर्वप्रधानमन्त्री दाहालले नेपालको विकासमा बेलायतले गर्दै आएको सहयोगको प्रशंसा गरेको दाहालको निजी सचिवालयले जनाएको छ। </p>
<p>अध्यक्ष दाहालले राजदूत पोलिटबीचको कार्यकालमा नेपाल र बेलायतको सम्बन्ध अझ प्रगाढ रहने विश्‍वास गर्दै नेपालको आर्थिक समृद्धिको अभियानमा बेलायतको सहयोग अपरिहार्य रहेको बताए।</p>
<p>भेटमा बेलायती राजदूत पोलिटले आगामी दिनमा नेपालको विकासमा बेलायत सरकारको सहयोग जारी रहने बताएकी छन्। <em>रासस</em></p>
प्रतिक्रिया दिनुहोस्
.jpg)
