गच्छदारलाई भ्रष्टाचार मुद्दा लागेपछि कांग्रेसले पत्रकार सम्मेलनमार्फत् धारणा सार्वजनिक गर्दै
<p>काठमाडौं। बालुवाटारको ललिता निवास प्रकरणमा आफ्ना नेता विजयकुमार गच्छदारविरुद्ध भ्रष्‍टाचारको मुद्दा दायर गरिएकोमा विरोध गर्दै आएको नेपाली कांग्रेसले पार्टीको धारणा सार्वजनिक गर्न आज पत्रकार सम्मेलन गर्दैछ।</p>
<p>आज अपरान्ह सवा चार बजे केन्द्रीय कार्यालय सानेपामा पत्रकार सम्मेलनको आयोजना गरिएको कांग्रेस प्रवक्ता विश्‍वप्रकाश शर्माले जानकारी दिए।</p>
<p>राजनीतिक पूर्वाग्रही राखेर नेता गच्छदारमाथि मुद्दा चलाइएकोले पत्रकार सम्मेलनमार्फत कांग्रेसले आधिकारिक धारणा सार्वजनिक गर्न लागेको नेता शर्माले बताए।</p>
<p>प्रमुख प्रतिपक्ष नेपाली कांग्रेसले आफ्नो पार्टीका संसदीय दलका नेता विजयकुमार गच्छदारविरुद्ध मुद्धा चलाइएको बिरोधमा आजको प्रतिनिधि सभा बैठकसमेत अवरुद्ध गरेको छ।</p>
<p>आज बिहानै कांग्रेसका शीर्षस्थ नेताहरू सभापति शेरबहादुर देउवा निवासमा भेला भएर राजनीतिक प्रतिशोध साँध्न आफ्ना नेतामाथि मुद्दा चलाइएको निष्कर्षसहित पार्टीले चाल्ने कदमबारे रणनीति बनाएको एक नेताले बताए। </p>
<p>कांग्रेस उपसभापति पूर्वउपप्रधानमन्त्री गच्छदारसहित १७५ जनाविरुद्ध अख्तियार दुरुपयोग अनुसन्धान आयोगले २२ माघमा विशेष अदालतमा मुद्दा दायर गरेको थियो।</p>
प्रतिक्रिया दिनुहोस्
.jpg)
