चीनबाट ल्याइएका नेपालीलाई सुरक्षित राख्ने व्यवस्था मिलाउन प्रधानमन्त्रीको निर्देशन
<p>काठमाडौं। प्रधानमन्त्री केपी शर्मा ओलीले चीनबाट उद्धार गरेर ल्याइएका नेपालीलाई सुरक्षित तवरले राख्ने व्यवस्था मिलाउन निर्देशन दिएका छन्।</p>
<p>आज प्रधानमन्त्री निवास बालुवाटारमा रक्षा, गृह, परराष्ट्र, स्वास्थ्य तथा जनसंख्या, संस्कृति, पर्यटन तथा नागरिक उड्ड्यमन्त्री, मुख्य सचिव र सम्बद्ध मन्त्रालयका सचिवहरूलाई आवश्यक प्रबन्ध मिलाउन प्रधानमन्त्री ओलीले निर्देशन दिएका हुन्। </p>
<p>कोरोना भाइरस प्रभावित चीनका विभिन्न क्षेत्रबाट ल्याउनुपर्ने विद्यार्थी एवं नागरिकलाई यहाँ ल्याई गरिने उपचार तथा क्वारेन्टाइन अवधिको तयारीमा अविलम्ब जुट्न र सम्पूर्ण कार्य योजनाबद्ध रूपमा सम्पन्न गर्न प्रधानमन्त्रीले निर्देशन दिएको उनका प्रेस सल्लाहकार सूर्य थापाले जनाएका छन्। </p>
<p>शिवपुरी, इचङ्गुनारायण, सूर्यविनायक र खरिपाटी गरी चार स्थानमा क्वारेन्टाइनस्थल व्यवस्थित गरी नेपाल आउन चाहने विद्यार्थी र नागरिकलाई ल्याउन समेत उनले बैठकमा निर्देशन दिए। </p>
<p>बैठकमा प्रधानमन्त्री तथा मन्त्रिपरिषद् कार्यालयका सचिव नारायणप्रसाद विडारीले कार्ययोजना प्रस्तुत गरेका थिए। </p>
<p>परराष्ट्र सचिव शंकरदास वैरागीले चीनमा रहेका नेपालीहरूको पछिल्लो अवस्था र मन्त्रालयले गरिरहेको पहलबारे बैठकमा जानकारी गराए। </p>
<p>नेपालले १ लाख संख्यामा प्रोटेक्टिभ माक्स चीन सरकारलाई सहयोग उपलब्ध गराउने निर्णय गरिसकेको छ। <br />
</p>
प्रतिक्रिया दिनुहोस्
.jpg)
