नेकपा नेता नेपाल र अमेरिकी राजदूतबीच एमसीसीबारे छलफल
<p>काठमाडौं। नेपालका लागि अमेरिकी राजदूत र्‍याण्डी डब्ल्यू बेरीले नेपाल कम्युनिष्ट पार्टी (नेकपा) का वरिष्ठ नेता तथा पूर्वप्रधानमन्त्री माधवकुमार नेपाललाई भेटेका छन्। </p>
<p>नेपालको निवास कोटेश्वर पुगेका बेरीले नेता नेपालसँग मिलेनियम च्यालेञ्ज कर्पोरेशन (एमसिसी) बारे पनि छलफल गरेको नेता नेपालका स्वकीय सचिव नितेश पौडेलले जानकारी दिए। </p>
<p>प्रतिनिध सभाबाट पारित गर्नका लागि सचिवालयमा ३० असारमै दर्ता भएकाे भए पनि अहिलेसम्म सभामा पेश हुन सकेकाे छैन।</p>
<p>एमसीसीबारे नेकपा पार्टीभित्रै विवाद देखिएकाे छ। अघिल्लाे साता सम्पन्न नेकपाकाे केन्द्रीय कमिटीले यसबारे अध्ययन गर्न पूर्वप्रधानमन्त्री तथा सचिवालय सदस्य झलनाथ खनालेकाे संयाेजकत्वमा तीन सदस्यीय समिति बनाएकाे थियाे। </p>
<p>आजकाे भेटमा नेता नेपालले कुनै पनि वैदेशिक सहयोग लिने नेपालको नीति भएको भन्दै एमसिसी राष्ट्रिय हित अनुकूल भए स्वीकार गरिने बताएका थिए।</p>
<p>नेपालले एमसिसी राष्ट्रिय हित विपरीत रहेछ भने त्यसलाई सच्चाउनुपर्ने बताएका थिए। <em>रासस</em><br />
</p>
प्रतिक्रिया दिनुहोस्
.jpg)
