Others

गृहपृष्ठ

इटहरीमा एक युवतीमाथि सामूहिक बलात्कार काठमाडौं । सुनसरीको इटहरी उप महानगरपालिका-१४ मा १३ असोज राति एक २२ वर्षीय युवती सामूहिक बलात्कारमा परेकी छन् । धरानबाट इटहरीतर्फ गइरहेको को १ ख ४६२७ नम्बरको यात्रुबाहक बसमा सवार युवतीलाई बस चालक, सहचालकसहित अन्य सवारीसाधनका सहचालकसमेत गरी पाँच जनाले सामूहिक बलात्कार गरेको प्रहरी अनुसन्धानबाट खुलेको छ। इलाका प्रहरी कार्यालय इटहरीका प्रहरी नायब उपरिक्षक धर्मराज भण्डारीका अनुसार बसमा सवार ती युवतीलाई सामूहिक बलात्कार गरिएको खुल्न आएको बताए । प्रहरीका अनुसार सामूहिक बलात्कारपछि युवतीलाई बसमै छाडेर उनीहरु भागेका थिए । गस्तीमा रहेको प्रहरीले गाडी देखेपछि जाँच गर्दा युवतीले घटनाबारे जानकारी गराएकी थिइन्। प्रहरी नायव उपरिक्षक भण्डारीका अनुसार घटनामा सम्लग्नमध्ये तीन जना पक्राउ परेका छन् । दुई जना अझै फरार छन् । प्रहरीले घटनाको प्रत्यक्षदर्शी भनिएका एक युवकलाई पनि पक्राउ गरेको छ । फरार दुई जनाको खोजी भइरहेको प्रहरीले जनाएको छ । पक्राउ पर्नेहरूमा सुन्दर हरैंचा नगरपालिका-१२ का चालक विकास कसाई, झापा सुरुङ्गा नगरपालिका-४ का सुरज थापा, सिरहा लहान नगरपालिका-४ का सुरेन्द्र भुलेज, बेलबारी नगरपालिका-७ का आशिष कार्की छन्। प्रहरीले बस नियन्त्रणमा लिएको छ। पक्राउ परेकाबिरुद्व जवर्जस्ती करणी अन्तर्गत उजुरी लिएर अनुसन्धान अघि बढाएको छ। धरान घर भएकी युवती बेलबारीमा रहेका आफन्त भेट्न हिँडेकी थिइन। बलात्कृत युवतीको जिल्ला अस्पताल इनरुवामा स्वास्थ्य परिक्षण गरिएको छ । उनलाई प्रहरीले परिवारको जिम्मा लगाएको छ।