गच्छदार सांसदबाट निलम्बित
<p>काठमाडौं। भ्रष्टाचार आरोप लागेका नेपाली कांग्रेस संसदीय दलका उपनेता विजयकुमार गच्छदार सांसदबाट स्वतः निलम्बित भएका छन्।</p>
<p>संघीय संसद सचिवालयले आज सूचना टाँस गर्दै २२ माघदेखि गच्छदार सांसदबाट स्वतः निलम्बित भएको जनाएको हो।</p>
<p>अख्तियार अनुसन्धान दुरुपयोग अनुसन्धान आयोगले ललिता निवास प्रकरणमा गच्छदारलगायत १७५ जनाविरूद्ध विशेष अदालतमा मुद्दा दायर गरेको छ।</p>
<p>गच्छदारलाई मुद्दा चलाइएको विषयमा अख्तियारले पत्र लेखेर जानकारी गराएपछि संसद सचिवालयले आज सूचना टाँस गरेर स्वतः निलम्बित भएको जनाएको हो।</p>
<p>गच्छदारविरुद्ध ९ करोड ६५ लाख ७६ हजार बिगो दाबी गरेर अख्तियारले विशेष अदालतमा मुद्दा दायर गरेको छ।</p>
<p style="text-align:center"><img alt="" height="1395" src="https://www.dekhapadhi.com/storage/photos/shares/Politics/nilamban suchana.jpg" width="1003" /></p>
<p> </p>
प्रतिक्रिया दिनुहोस्
.jpg)
