एक महीनापछि खुल्याे पाम तेलको निकासी
<p>काठमाडौं। पाम तेलको निर्यात एक महीनापछि खुला भएको छ। भारतले वैदेशिक व्यापार नीति संशोधन गर्दै २३ पुसदेखि पाम तेलको आयातमा प्रतिबन्ध लगाएकाे थियाे।</p>
<p>तत्कालका लागि भारतीय कम्पनी आरएन इम्प्याक्टले मात्रै नेपालबाट पाम तेल आयात गर्न पाउने गरी खुला भएकाे उद्योग, वाणिज्य तथा आपूर्ति राज्य मन्त्री मोतिलाल दुगडले जानकारी दिए।</p>
<p>भारतमा पाम तेल आयात गर्नका लागि त्यहाँकाे सरकारले लाइसेन्स अनिवार्य गरेकाे छ।</p>
<p>मन्त्रालयको निरन्तर प्रयासका कारणा पाम तेलकाे निर्यात खुला गर्न सम्भव भएकाे दुगडले बताए।</p>
<p>पाम तेलकाे निर्यात प्रतिबन्ध भएपछि नेपालका यससँग सम्बन्धित १३ वटा उद्याेग समस्यामा परेका थिए।</p>
<p>चालू आर्थिक वर्षको ६ महीनामा नेपालले भारततर्फ कूल १३ अर्ब रूपैयाँभन्दा बढीको पाम तेल निर्यात गरेको थियाे। यसैकाे कारण नेपालकाे निर्यात व्यापार बढेकाे भन्सार विभागकाे तथ्यांक छ।</p>
प्रतिक्रिया दिनुहोस्
.jpg)
