फागुनदेखि नारायणीमा पानीजहाज सरर, १० दिनभित्र अनलाइन बुकिङ खुल्ने
<p>चितवन। नारायणी नदीमा फागुन महिनादेखि क्रुजसीप (सानो पानीजहाज) चलाइने भएको छ।</p>
<p>सरकारले पानीजहाजसम्बन्धी उद्योग दर्ता गर्न पाउने निर्णय गरेसँगै यहाँ पानीजहाजको शुरुआत गर्न काम तीब्र पारिएको हो।</p>
<p>भरतपुर महानगरपालिका-१६ मा क्रुजसीप निर्माणको काम अन्तिम चरणमा पुगेको छ।</p>
<p>पानीजहाजसम्बन्धी उद्योग दर्ताको प्रावधान नभएकाले केही ढिलाइ भएपनि मन्त्रिपरिषद्को पछिल्लो निर्णयसँगै सानो पानीजहाज सञ्चालन गर्न लागिएको राइनो वाटर इन्टरटेन्मेन्ट प्रालिका प्रबन्ध निर्देशक रामचन्द्र कँडेलले बताए।</p>
<p>उनले भने, “बाहिरको एसीपी लगाउन र सिसा राख्न बाँकी छ, केही दिनमा काम सक्छौँ ।”कँडेलले १० दिनभित्र अनलाइन बुकिङ खुला गरिने जानकारी दिए।</p>
<p>क्रुजसीपमा बिहानी खाना (ब्रेकफाष्ट क्रुज), दिवा खाना (लन्च क्रुज) र रात्रिकालीन खाना ( डिनर क्रुज) का लागि अनलाइन बुकिङ खुला गरिँदैछ।</p>
<p>बाहिर तयारी खाना क्रुजमा तताएर खुवाउने समेत व्यवस्था मिलाइँदैछ।</p>
<p>भुइँतलामा ९० वटा कुर्ची , बीचमा ११० र छतमा २० जना बस्न मिल्ने गरी भित्रै बार र पर्यटकको मनोरञ्‍जनका लागि सांगितिक प्रस्तुतिसमेत हुनेछ। </p>
<p><img alt="" height="483" src="https://www.dekhapadhi.com/storage/photos/shares/Economy/crush on Narayani 4.jpg" width="960" /></p>
<p>काभ्रेघाटबाट शुरु यात्रा देवघाट हुँदै फर्किएर गोलाघाटसम्म बाह्य दृश्यावलोकन गर्न सकिनेछ। क्रुजसीपको सञ्चालनका लागि तीन जना क्रिउ मेम्बर र प्राविधिक हाल विदेशी रहने छन्।</p>
<p>क्रुजको निर्माण भारतीय कम्पनी ग्रान्डडुर मारिन इन्टरनेशनलले गरेको हो।</p>
<p>दुई वटा इञ्जिन रहेको क्रुजको गति प्रतिघण्टा ३५ किलोमिटर हुने बताइएको छ। क्रुज निर्माणका लागि करीब १५ करोड हाराहारी खर्च भएको जनाइएको छ।</p>
<p><em>नारायण अधिकारी/रासस</em></p>
प्रतिक्रिया दिनुहोस्
.jpg)
