आजदेखि देशैभरि फोर जी सेवा
<p>काठमाडौं । नेपाल टेलिकमको चौथो जनेरेसनको मोबाइल डाटा सेवा (फोरजी) आजदेखि देशभर विस्तार हुँदैछ।</p>
<p>प्रधानमन्त्री केपी शर्मा ओलीले आज साँझ ५ बजे मुख्यमन्त्री र विभिन्न नगरका मेयरहरुरसँग एकैपटक भिडियो कल गरेर सेवा विस्तारको औपचारिक रूपमा शुभारम्भ गर्ने कार्यक्रम रहेको छ। </p>
<p>यसअघि काठमाडौं र पोखरामा मात्र फोर जी सेवा सञ्चालनमा थियो। अब सातै प्रदेशका ३२ जिल्लाको प्रमुख शहरमा यो सेवा विस्तार हुने भएको छ।</p>
<p>फोरजी सेवा उपलब्ध भएपछि उच्च गतिको मोबाइल ब्रोडव्याण्डमार्फत, श्रव्यदृश्य तथा विद्युतीय माध्यमबाट मनोरञ्जन लगायत विविध सेवा प्रवाहमा सुधार हुनेछ।</p>
<p>फोर जी सेवा विस्तारसँगै ग्राहकले अहिले पाउँदै आएको मूल्यमा दोब्बर डाटा पाउने टेलिकमले जनाएको छ । त्यस्तै केहि अल टाइम डाटा अफरमा शत प्रतिशत डाटा भोल्युम थप गरी पहिलेकै मूल्यमा प्रदान गरिने छ। </p>
<p>फोरजी सेवाको न्यूनतम गति ३५ एमबी प्रतिसेकेन्ड रहेको नेपाल टेलिकमले जनाएको छ।</p>
<p>नेपाल टेलिकमले १७ पुस २०७३ मा काठमाडौं र पोखराबाट फोरजी/एलटीई सेवाको शुरुवात गरेको थियो।</p>
<p>फोर जीको कोर नेटवर्कका लागि चीनको जेडटीई कर्पोरेसन तथा नेटवर्क १ र नेटवर्क २ का लागि हङकङको सीसीएसआईले जिम्मेवारी पाएका छन्।<br />
</p>
प्रतिक्रिया दिनुहोस्
.jpg)
