नेपालको बिजुली किन्न बंगलादेशको आशयपत्र
<p>काठमाडौं। माथिल्लो कर्णाली जलविद्युत आयोजनाको विकासकर्ता भारतीय कम्पनी जीएमआरले यहाँ उत्पादिन विद्युत बंगलादेश निकासी गर्न आशयपत्र पाएको छ।</p>
<p>योसँगै नेपालको बिजुली भारत हुँदै बंगलादेशमा बिक्री गर्न (त्रिदेशीय विद्युत व्यापार) को बाटो खुलेको छ।</p>
<p>आशयपत्र दिने बंगलादेश पावर डेभलपमेन्ट बोर्डसँग छिट्टै विद्युत खरीद सम्झौता (पीपीए) को टुंगो लगाउन गृहकार्य भइरहेको जीएमआरले जनाएको छ।</p>
<p>उसले वित्तीय व्यवस्थापन (फाइनान्सियल क्लोजर) अघि बढाउन सकिने उल्लेख गरेको छ।</p>
<p>जीएमआरले ५० लाख अमेरिकी डलरको वित्तीय स्रोत बैंकहरूमार्फत जुटाउन पहल गरिरहेको आयोजना प्रमुख केके शर्माले बताए।</p>
<p>उनका अनुसार बंगलादेशको कानून मन्त्रालय र बंगलादेश बैंक (केन्द्रीय बैंक) को स्वीकृतिपछि फेरि एक करोड ५० लाख डलरको बैंक ग्यारेन्टी प्राप्त हुनेछ।</p>
<p>जीएमआरले बोर्डलाई बैंक ग्यारेन्टीसहित विद्युत आपूर्तिको प्रतिबद्धता गर्नेछ।</p>
<p>बंगलादेशको मन्त्रिपरिषद्ले नेपालमा उत्पादन हुने, जीएमआरद्वारा प्रवद्र्धित माथिल्लो कर्णालीको बिजुली ५०० मेगावाट खरीद गर्न बोर्डलाई अनुमति दिइसकेको छ।</p>
<p>सोही आधारमा बोर्डले आशयपत्र जारी गरेको आजको अन्नपूर्ण पोष्टमा समाचार छापिएको छ।</p>
प्रतिक्रिया दिनुहोस्
.jpg)
