नेकपाले शहीदको स्मृतिमा देशभर श्रद्धाञ्जली सभा गर्ने
<p>काठमाडाैं। नेपाल कम्युनिष्ट पार्टी (नेकपा) ले आगामी १ फागुनमा शहीदको स्मृतिमा श्रद्धाञ्जली सभा देशभरि गर्ने भएको छ।</p>
<p>नेकपाका केन्द्रीय सदस्य विष्णु रिजालले जनआन्दोलन तथा जनयुद्धका शहीदको स्मृतिमा श्रद्धाञ्जली सभा गरिने जानकारी दिए।</p>
<p>उनका अनुसार ७७ वटै जिल्ला कमिटीलाई रचनात्मक तरिकाले सभा गर्न निर्देशन दिइएको छ।</p>
<p>काठमाडौंमा पार्टी मुख्यालय धुम्बाराहीमा गरिने सभामा प्रधानमन्त्री तथा पार्टी अध्यक्ष केपी शर्मा ओली र पूर्वप्रधानमन्त्री एवं पार्टी अध्यक्ष पुष्पकमल दाहालले सम्बोधन गर्ने कार्यक्रम छ।</p>
<p>पार्टी एकतापछि नेकपाले गत वर्ष पनि शहीदको सम्झनामा श्रद्धाञ्जली सभा गरेको थियो। <em>रासस</em></p>
प्रतिक्रिया दिनुहोस्
.jpg)
