नयाँ आईजीपी नियुक्त गर्न साढे तीन बजे मन्त्रिपरिषद बैठक बस्दै
<p>काठमाडौं। नयाँ प्रहरी महानिरीक्षक (आईजीपी) नियुक्त गर्न आज दिउँसो मन्त्रिपरिषद् बैठक बस्दैछ।</p>
<p>मन्त्रिपरिषद् बैठक आज दिउँसो साढे तीन बजेका लागि तय भएको प्रधानमन्त्रीका प्रेस सल्लाहकार सूर्य थापाले <em>देखापढी</em>लाई बताए।</p>
<p>प्रहरी महानिरीक्षकबारे निर्णय गर्न २७ माघमा बसेको मन्त्रिपरिषद् बैठक आज पुनः बस्ने गरी निर्णय नगरी सकिएको थियो।</p>
<p>स्रोतका अनुसार बैठकमा ३० वर्षे सेवा अवधिको प्रावधान कायमै राख्ने वा ३० वर्षे प्रावधान हटाउने भन्नेबारे निर्णयमा पुग्न नसक्दा नयाँ आईजीपी नियुक्तिबारे निर्णय हुन नसकेको हो। </p>
<p>प्रहरी महानिरीक्षक सर्वेन्द्र खनालले ३० वर्षे सेवाअवधिका कारण आजदेखि अवकाश पाउँदैछन्।</p>
<p>प्रहरी नियमावलीअनुसार आईजीपी खनालको ब्याचका तीन जना एआइजी र डिआईजीहरूले पनि खनालसँगै अवकाश पाउनेछन्।</p>
<p>३० वर्षे प्रावधान कायमै रहँदा वर्तमान डीआइजीहरू ठाकुर ज्ञवाली र तारिणी लम्सालमध्ये एकजना आईजीपी नियुक्त हुनेछन्।</p>
<p>३० वर्षे प्रावधान हटाएमा चाहिँ वर्तमान आईजीपी सर्वेन्द्र खनालकै ब्याचका एआईजीहरू पनि नेतृत्वका दाबेदार हुनेछन्।</p>
प्रतिक्रिया दिनुहोस्
.jpg)
