.png)
आजदेखि संसद अवरोध नगर्ने कांग्रेस संसदीय दलको निर्णय
<p>काठमाडौं। बालुवाटार जग्गा प्रकरणमा आफ्ना उपसभापति विजयकुमार गच्छदारमाथि भ्रष्टचार मुद्दा चलाइएपछि संसद अवरुद्ध गर्दै आएको प्रमुख प्रतिपक्ष नेपाली कांग्रेसले आजको प्रतिनिधि सभा बैठक भने अवरुद्ध नगर्ने भएको छ।</p>
<p>आज दिउँसो एक बजे प्रतिनिधि सभाको बैठक बस्दैछ।</p>
<p>नेपाली कांग्रेस संसदीय दलको भर्खरै सकिएको बैठकले ललिता निवास प्रकरणमा आफूले उठाएको अजेण्डालाई शान्तिपूर्ण रूपमा उठाइरहने र संसदलाई चल्न दिने निर्णय गरिएको कांग्रेस संसदीय दलकी सचेतक पुष्पा भुषालले <em>देखापढी</em>लाई बताइन्।</p>
<p>"आजको बैठकमा हाउसमा उठेर आफ्ना कुरा राख्‍नेछौं। संसदीय र लोकतान्त्रिक अभ्यासमा अवरोध नगर्ने निर्णय गरेका छौं", सचेतक भुषालले भनिन्।</p>
<p>भुषालले सडक र सदनबाट शान्तिपूर्ण संघर्षलाई भने जारी राख्ने जानकारी दिइन्।</p>
<p>नेपाली कांग्रेसले सत्ता र नेकपाको प्रभावमा राजनीतिक प्रतिशोध साँध्न अख्तियारले आफ्ना नेतामाथि भ्रष्टाचार मुद्दा दायर गरेको भन्दै यसअघिका चारवटा बैठक अवरुद्ध गरेको छ।</p>
प्रतिक्रिया दिनुहोस्
.jpg)
