विद्यार्थी पढाउन नोबेलको अटेरी
<p>काठमाडौं। विराटनगरस्थित नोबेल मेडिकल कलेजले चिकित्सा शिक्षा आयोगले तोकेको शुल्कअनुसार एमबीबीएस र बीडीएसमा विद्यार्थी पढाउन अटेरी गरेको छ।</p>
<p>विद्यार्थीबाट अतिरिक्त शुल्क असुल्दै आएको कलेजले आयोग काठठमाडौं विश्वविद्यालयको निर्देशनलाई समेत अवज्ञा गर्न थालेको हो।</p>
<p>चिकित्सा शिक्षा ऐनमा आयोगको निर्देशन पटकपटक उल्लंघन गर्ने मेडिकल कलेजलाई सम्बन्धन खारेजीसम्मको कारवाही गर्न सक्ने व्यवस्था छ।</p>
<p>कलेज सञ्चालक सुनिल शर्माले आयोगले निर्धारण गरेभन्दा बढी शुल्क लिने अडान दोहोर्‍याएका छन्।</p>
<p>काठमाडौं विश्वविद्यालयलाई कलेजले लेखेको पत्रमा तोकिएको शुल्क कार्यान्वयन गर्ने प्रतिबद्धताको साटो त्यसमाथि उल्टै प्रश्न उठाइएको छ।</p>
<p>आयोगको निर्देशनपछि नोबेलले ‘कुन कुन शीर्षकमा रकम लिन पाइने हो ?’ भनेर विश्वविद्यालयलाई पत्राचार गरेको थियो।</p>
<p>विश्वविद्यालयले अतिरिक्त रकम नलिन सचेतसचेत गराएपछि कलेजले पुनः पत्राचार गरेर आयोगले तोकेको शिक्षण शुल्कमाथि नै प्रश्न गरेको आजको कान्तिपुर दैनिकले समाचार लेखेको छ।</p>
<p>कलेजका प्रशासकीय अधिकृत दीपेश राईले स्कूल अफ मेडिक साइन्सेजका डिनलाई लेखेको पत्रमा आयोगले तोकेको शुल्कले झनै अन्योल भएको उल्लेख छ।</p>
<p>कलेज प्रशासनले प्रतिविद्यार्थी २९ लाखसम्म बढी शुल्क मागेपछि ४० भन्दा बढी अभिभावकले बढी शुल्क नतिर्ने भन्दै विद्यार्थी भर्ना गराएका छैनन्।</p>
प्रतिक्रिया दिनुहोस्
.jpg)
