पूर्वप्रधानमन्त्री नेपाल र भट्टराईलाई पनि मुद्दा चलाउन माग गर्दै सर्वोच्चमा रिट
<p>काठमाडौं। ललिता निवास जग्गा प्रकरणमा पूर्वप्रधानमन्त्रीहरू माधवकुमार नेपाल र बाबुराम भट्टराईलाई पनि मुद्दा चलाउनुपर्ने आदेशको माग गर्दै सर्वोच्च अदालतमा रिट परेको छ।</p>
<p>वरिष्ठ अधिवक्ता बालकृष्ण न्यौपानेले सर्वोच्चमा रिट हालेका हुन्।</p>
<p>अख्तियार दुरूपयोग अनुसन्धान आयोगले पूर्वप्रधानमन्त्रीहरू नेपाल र भट्टराईले नीतिगत निर्णय गरेकाले आफ्नो क्षेत्राधिकारभित्र नपर्ने जनाउँदै आएको छ।</p>
<p>न्यौपानेले रिटमा नीतिगत निर्णय गरेकाहरूलाई पनि मुद्दा चलाउनुपर्ने आदेशको माग गरेका छन्।</p>
<p>रिटको पेशी २ फागुनका लागि तोकिएको सर्वोच्च अदालतका सूचना अधिकारी देवेन्द्र ढकालले जानकारी दिए।</p>
<p>अख्तियारले बालुवाटारको ललिता निवास जग्गा प्रकरणमा तत्कालीन तीनजना मन्त्रीसहित १७५ जनाविरुद्ध विशेष अदालतमा भ्रष्टाचार मुद्दा दर्ता गरेको छ।</p>
<p> </p>
प्रतिक्रिया दिनुहोस्
.jpg)
