चीनबाट फर्किएका एक व्यक्ति कोरोना संक्रमणको आशंकामा अस्पताल भर्ना
<p>कैलाली। केहीदिन अघि चीनबाट फर्किएका एक युवक कैलालीको सेती प्रादेशिक अस्पतालमा भर्ना भएका छन्।</p>
<p>चीनबाट फर्किएका उनी अस्पताल भर्ना भएको सेती प्रादेशिक अस्पतालका मेडिकल सुपरिटेन्डेन्ट डा. हेमराज पाण्डेले स्वीकार गरे।</p>
<p>सामान्य ज्वरो र घाँटी दुख्ने समस्या देखिएपछि ती युवक आज अस्पताल भर्ना भएको डा. पाण्डेले जानकारी दिए। </p>
<p>चीनबाट फर्किएको हुँदा कोरोना भाइरस सङ्क्रमण भएको आशंंकामा नमुना सङ्कलन गरी काठमाडौं पुर्‍याउने तयारी भइरहेका डाक्टर पाण्डेले बताए। </p>
<p>उनले भोलि, १ फागुनमा संकलित नमुना बिहानै काठमाडौं पठाउने बताए।</p>
<p>छिमेकी मुलुक चीनमा कोरोना भाइरसको संक्रमण फैलिएपछि सुदूरपश्चिम प्रदेशमा पनि उच्च सतर्कता अनाइएको छ।</p>
<p>चीन र भारत दुबै देशसँग नाका जोडिएका कारण कैलालीको सेती प्रादेशिक र कञ्चनपुरको महाकाली अस्पतालमा कोरोना भाइरसको उपचारका लागि छुट्टै टोली खटिएका छन्।</p>
प्रतिक्रिया दिनुहोस्
.jpg)
