'जनयुद्ध दिवस' : नेकपाले शहीदको स्मृति गरेर मनाउँदै
<p><br />
काठमाडौं। आज 'जनयुद्ध दिवस'। नेपाल कम्युनिष्ट पार्टी (नेकपा) ले जनआन्दोलन तथा जनयुद्धका शहीदको स्मृतिमा श्रद्धाञ्जली सभा देशभरि गर्ने भएको छ।</p>
<p>केन्द्रीय कार्यालय धुम्बाराहीमा आज बिहान ९ बजे तय गरिएको विशेष कार्यक्रममा प्रधानमन्त्री तथा पार्टी अध्यक्ष केपी शर्मा ओली र अध्यक्ष पुष्पकमल दाहालले सम्बोधन गर्ने कार्यक्रम तय भएको नेकपा कार्यालय सचिव ईश्वरी रिजालले <em>देखापढी</em>लाई बताए।</p>
<p>तत्कालीन माओवादीले 'जनयुद्ध' शुरू गरेको दिन १ फागुनलाई जनयुद्ध दिवसको रूपमा मनाउँदै आएको थियो।</p>
<p>तत्कालीन नेकपा एमाले र माओवादी केन्द्रीबीच एकता भएपछि यो दिनलाई जनआन्दोलन र जनयुद्धका शहीद भएकाहरूको स्मृतिमा लिन थालिएको हो।</p>
<p>पार्टी एकतापछि नेकपाले गत वर्ष पनि शहीदको सम्झनामा श्रद्धाञ्जली सभा गरेको थियो।</p>
<p>नेकपाले ७७ वटै जिल्ला कमिटीलाई रचनात्मक तरिकाले कार्यक्रम गर्न निर्देशन दिइसकेको छ।</p>
<p> </p>
प्रतिक्रिया दिनुहोस्
.jpg)
