हिमालयन बैंकले २२ प्रतिशत लाभांश दिने
<p>काठमाडौं। हिमालयन बैंकले आफ्ना शेयरधनीलाई २२ प्रतिशत लाभांश दिने प्रस्ताव पारित गरेको छ।</p>
<p>२९ माघमा सम्पन्न २७औँ वार्षिक साधारणसभाले १० प्रतिशत बोनस शेयर र १२ प्रतिशत नगद लाभांश (करसहित) पारित गरेको हो।</p>
<p>बोनस शेयरको वितरणपश्चात् बैंकको चुक्ता पूँजी नौ अर्ब ३७ करोड २२ लाख ८१ हजार ४२८ रूपैयाँ पुग्ने बैंकका अध्यक्ष मनोजबहादुर श्रेष्ठले बताए।</p>
<p>२७ वर्षदेखि वित्तीय सेवा दिँदै आएको बैंकले आव २०७५/७६ मा एक खर्ब १३ अर्ब नौ करोड निक्षेप संकलन र ९८ अर्ब २० करोड ६३ लाख रूपैयाँ कर्जा प्रवाह गरेको छ।</p>
<p>जुन अघिल्लो वर्षको तुलनामा क्रमशः १३.३८ र १३.०८ प्रतिशतले बढी हो। <em>रासस</em></p>
<p> </p>
प्रतिक्रिया दिनुहोस्
.jpg)
