'जनयुद्ध दिवस' मा नेकपा अध्यक्ष दाहालले भने- 'युद्धले पार नलाग्ने बुझेकै कारण शान्ति सम्झौता सम्भव'
<p>काठमाडौं। नेपाल कम्युनिष्ट पार्टीका अध्यक्ष पुष्पकमल दाहालले सत्तामा पुगेपछि कम्युनिष्‍टमा विचलन आउने भन्दै आफूहरू सत्ता स्वार्थमा नलाग्‍ने बताएका छन्। </p>
<p>'जनयुद्ध दिवस' नेकपा केन्द्रीय कार्यालय धुम्बाराहीमा आयोजित जनआन्दोलन र जनयुद्धका शहीदहरूको स्मृतिमा श्रद्धाञ्जली सभामा बोल्दै अध्यक्ष दाहालले कम्युनिष्‍टको रोगको कारक नेताहरू नै भएको स्वीकारे।</p>
<p>उनले भने, "सत्ता स्वार्थमा लाग्‍नु हुँदैन भन्ने हामीले बुझेका छौँ, हामी त्यसमा सचेत छौँ। राष्ट्र र जनताप्रति हामि गलत गर्दैनौँ।"</p>
<p>अध्यक्ष दाहालले अहिले दुईतिहाइ जनताको चेतनाका कारण नेकपालाई दुई तिहाइको सम्भव भएको दाबी गरेका छन्।</p>
<p>"जनताको भावनालाई समेट्दै जनतालाई नै साथ लिएर समाजवाद निर्माण गर्नेतर्फ अघि बढेका छौँ। आजको दिन भनेको त्यही प्रतिज्ञा गर्ने दिन हो।"</p>
<p>२०५२ सालमा तत्कालीन माओवादीले शुरू गरेको सशस्त्र विद्रोह २००७ साल, २०१७ साल लगायतका विभिन्न चरणको आन्दोलनसँग सम्बन्धित भएको विद्रोह भएको दाहालले बताएका छन्।</p>
<p>लामो युद्धले पार नलाग्‍ने आफूहरूको बुझाइको कारण नै विस्तृत शान्ति सम्झौता, संविधान सभाको निर्वाचन हुँदै यहाँसम्म आएको दाहालले उल्लेख गरे। </p>
<p>नेतृत्वले सबै विश्लेषणसहित गरेको पार्टी एकतालाई हल्का रूपले नलिन उनको आग्रह थियो।</p>
प्रतिक्रिया दिनुहोस्
.jpg)
