घट्यो टेलिकमको नाफा
<p>काठमाडौं। चालु आर्थिक वर्षको दोस्रो त्रैमासमा नेपाल टेलिकमको नाफा घटेको छ। सरकारी स्वामित्वमा रहेको सेवा प्रदायक कम्पनी टेलिकमको नाफा एक करोड ५५ लाख रूपैयाँले घटेको हो।</p>
<p>टेलिकमले गत आर्थिक वर्षको सोही अवधिमा ४ अर्ब ९५ करोड ४६ लाख रूपैयाँ खुद नाफा कमाएको थियो। तर, यस वर्षको दोस्रो त्रैमासमा ०.३१ प्रतिशतले घटेर ४ अर्ब ९३ करोड ९१ लाख रूपैयाँ कमाएको छ।</p>
<p>आम्दानी घटेसँगै कम्पनीको खुद नाफामा असर परेको हो। ६ महिनामा कम्पनीको आम्दानी १९ अर्ब २६ करोड रूपैयाँ रहेको छ। गत वर्षको ६ महिनामा कम्पनीले २१ अर्ब ७१ करोड रूपैयाँ आम्दानी गरेको थियो।</p>
<p>टेलिकमले आफ्नो आम्दानी र नाफा घट्नुमा तीव्र प्रतिस्पर्धा, नयाँ प्रविधि, ओभर द टफ एप्लिकेसनजस्ता कारण देखाएको छ। हाल कम्पनीको चुक्ता पुँजी १५ अर्ब रूपैयाँ र जगेडा कोषमा ७४ अर्ब ३६ करोड रूपैयाँ सञ्चित रहेको छ।<br />
</p>
<p> </p>
प्रतिक्रिया दिनुहोस्
.jpg)
