प्रधानमन्त्री ओलीले भोलि संसदमा सम्बोधन गर्ने
<p>काठमाडौं। प्रधानमन्त्री केपी शर्मा ओलीले संसदमा सम्बोधन गर्ने भएका छन्।</p>
<p>भोलि, २ फागुनमा बस्ने प्रतिनिधि सभा बैठकमा प्रधानमन्त्री ओलीले सार्वजनिक महत्वको विषयमा सम्बोधन गर्ने संसद सचिवालयले जनाएको छ।</p>
<p>प्रधानमन्त्री ओलीले सरकारको दुई वर्ष पुगेको अवसरमा संसदबाट सम्बोधन गर्न लागेका हुन्। </p>
<p>३ फागुन २०७४ मा ओली दोस्रोपटक नेपालको प्रधानमन्त्री नियुक्त भएका थिए।</p>
<p>संसद सचिवालयका अनुसार प्रतिनिधि सभाको बैठक दिउँसो २ बजे बस्नेछ। बैठकको शुरूमा प्रधानमन्त्री ओलीले सम्बोधन गर्नेछन्। </p>
<p>संसदको सम्भावित कार्यसूची अनुसार ओलीको सम्बोधनपछि शिक्षा तथा स्वास्थ्य समितिका सभापति जयपुरी घर्तीले ‘शिक्षा सम्बन्धी केही नेपाल ऐन संशोधन गर्ने विधेयक सम्बन्धी समितिको प्रतिवेदन, २०७६’ पेश गर्नेछिन्। </p>
<p>यस्तै, प्रधानमन्त्री ओलीले राष्ट्रिय सभामा उत्पत्ति भएको ‘संघ, प्रदेश र स्थानीय तह (अन्तरसम्बन्ध व्यवस्थापन) विधेयक, २०७६ माथि विचार गरियोस्’ भनी प्रस्ताव प्रस्तुत गर्ने सम्भावित कार्यसूची रहेको संघीय संसदका महासचिव मनोहरप्रसाद भट्टराईले बताएका छन्। </p>
<p>स्वास्थ्य तथा जनसंख्या एवं कानून, न्याय तथा संसदीय मामिलामन्त्री भानुभक्त ढकालले दुईवटा प्रस्ताव पेश गर्नेछन्। </p>
<p>‘कानून न्याय तथा मानव अधिकार समितिको प्रतिवेदनसहितको प्रमाण (दोस्रो संशोधन) विधेयक, २०७५ माथि छलफल गरियोस्’, भन्ने प्रस्ताव र ‘प्रमाण (दोस्रो संशोधन) विधेयक, २०७६ लाई पारित गरियोस्’ भनी प्रस्ताव प्रस्तुत गर्ने सम्भावित कार्यसूची छ।</p>
प्रतिक्रिया दिनुहोस्
.jpg)
