सरकारको दुई वर्षे कामको जानकारी दिन प्रधानमन्त्रीले संसदमा सम्बोधन गर्दै
<p>काठमाडौं। प्रधानमन्त्री केपी शर्मा ओलीले आज संसदमा सम्बोधन गर्ने भएका छन्।</p>
<p>आज दिउँसो २ बजे बस्‍ने प्रतिनिधि सभाको बैठक तय गरिएको छ।</p>
<p>प्रधानमन्त्री ओलीले सरकार गठनको दुई वर्ष पुगेको अवसरमा आफ्नो कार्यकालमा भएका कामकारवाहीबारे संसदबाट सम्बोधन गर्न लागेका हुन्।</p>
<p>प्रधानमन्त्रीका प्रेस सल्लाहकार सूर्य थापाले संसदमा सम्बोधनको क्रममा प्रधानमन्त्रीले आफ्नो दुई वर्षे कार्यकालमा सरकारले गरेका काम र समसामयिक विषयबारे जानकारी दिने कार्यक्रम रहेको बताए।</p>
<p>३ फागुन २०७४ मा ओली दोस्रोपटक प्रधानमन्त्री नियुक्त भएका थिए।</p>
<p>संसद सचिवालयका अनुसार प्रतिनिधि सभा बैठकको शुरूमा प्रधानमन्त्री ओलीले सम्बोधन गर्नेछन्।</p>
प्रतिक्रिया दिनुहोस्
.jpg)
