कोरोना भाइरस: धनगढी विमानस्थलमा हेल्थ डेस्क राखियो
<p>कैलाली। कोरोना भाइरसको संक्रमण भित्रिन नदिन धनगढी विमानस्थलमा हेल्थ डेस्क (स्वास्थ्य सहायता कक्ष) राखिएको छ।</p>
<p>कैलाली, कंचनपुरका विभिन्‍न सीमा नाकामा हेल्थ डेस्क स्थापना गरिसकेको सुदूरपश्‍चिम सामाजिक विकास मन्त्रालयले धनगढी बिमानस्थलमा पनि हेल्थ डेस्क स्थापना गरेको हो।</p>
<p>चीन, थाइल्याण्ड लगायतका अन्य मुलुकबाट स्वदेश फर्किने नागरिकलाई मध्यनजर गर्दै हेल्थ डेस्क स्थापना गरिएको मन्त्रालयका सूचना अधिकारी हेमराज खड्काले जानकारी दिए।</p>
<p>हेल्थ डेस्कमा यात्रुको स्वास्थ्य जाँचका लागि दुईजना स्वास्थ्यकर्मी खटाइएको छ।</p>
<p>स्वास्थ्य जाँचको क्रममा शंकास्पद व्यक्ति भेटिएमा सेती प्रादेशिक अस्पताल धनगढीमा ल्याएर उपचार गर्नका लागि आइसोलेसन वार्डको समेत स्थापना गरिएको छ।</p>
प्रतिक्रिया दिनुहोस्
.jpg)
