प्रतिनिधि सभामा शोक प्रस्ताव पारित
<p>काठमाडौं। प्रतिनिधि सभाको आजको बैठकले नेपाली कांग्रेसका सांसद दुर्गाप्रसाद उपाध्यायको असामयिक निधनप्रति शोक प्रस्ताव पारित गरेको छ।</p>
<p>बैठकमा सभामुख अग्निप्रसाद सापकोटाले प्रस्तुत गरेको शोक प्रस्ताव सर्वसम्मतिले पारित गरेको हो।</p>
<p>सांसद उपाध्याय २०७४ को राष्ट्रिय सभा निर्वाचनमा नेपाली कांग्रेसको तर्फबाट प्रदेश नं. ५ बाट राष्ट्रिय सभा सदस्यमा निर्वाचित भएका थिए। </p>
<p>नेता उपाध्याय सरल एवं भद्र व्यक्तित्वको रूपमा परिचित, सामाजिक कार्य एवं लोकतन्त्रका स्थापनाका आन्दोलनमा सदैव अग्रपंक्तिमा सक्रिय थिए। </p>
<p>क्यान्सर रोगका कारण नेता उपाध्यायको ५१ वर्षको उमेरमा आज बिहान उपचारका क्रममा निधन भएको थियो।</p>
<p>प्रतिनिधि सभाको आजको बैठकमा सार्वजनिक महत्वको विषयमा प्रधानमन्त्री केपी शर्मा ओलीले सम्बोधन गर्ने कार्यक्रम तय भए पनि शोक प्रस्तावका कारण अन्तिममा आएर स्थगित भएको थियो। </p>
<p>प्रतिनिधिसभाको अर्को बैठक ३ फागुन बिहान ११ बजे बस्नेछ। <em>रासस</em></p>
प्रतिक्रिया दिनुहोस्
.jpg)
