मेसिन बिग्रँदा मिर्गौलाका बिरामीले डायलिसिस गर्न पाएनन्
<p>बाँके। उपकरण बिग्रिएकाले भेरी अस्पतालमा डायलिसिस गर्न आउने मिर्गौलासम्बन्धी बिरामीलाई समस्या भएको छ।</p>
<p>डायलिसिस गर्न अस्पतालमा राखिएको चार वटा मेसिनमध्ये दुई वटा कामै नलाग्ने गरि विग्रिएको छ।</p>
<p>मेसिनको अभावमा राज्यले निशुल्क उपलब्ध गराएको डायलिसिस सेवा लिन पालो कुरेका बिरामी थप पीडित बनेका छन्।</p>
<p>हेमोडायलिसिस युनिटमा उपचारका लागि डायलिसिस मेसिन, दक्ष जनशक्ति र आवश्यक कोठा थप गर्न अस्पताल प्रशासनसँग माग गरेको डा. पारस श्रेष्‍ठले बताए। हाल २३ जना विरामी डायलिसिसका लागि पालो कुरेर बसेको श्रेष्‍ठले बताएका छन्। </p>
<p>दैनिक दुई सिफ्ट चलेको डायलिसिसमा चार जनाले मात्र डायलासिस गर्न पाएका छन् । अस्पतालका अनुसार अहिले हप्तामा १२ जनाले डायलिसिस गरिरहेका छन् । </p>
<p>मिर्गौला सम्बन्धी समस्या भएका बिरामीहरु भेरी अस्पतालमा पालो नपाएर नीजि अस्पतालमा महँगो रकम तिरेर उपचार र डायलिसिस गर्न बाध्य छन् ।</p>
<p>दरबन्दीअनुसार विशेषज्ञ चिकित्सकको अभावमा अस्पतालका अन्य उपकरणहरु पनि थन्किएका छन्।</p>
<p>अस्पतालका मेडिकल सुपरिटेण्डेण्ट डा. रुपानन्द अधिकारीले डायलिसिस गर्ने मेसिन मर्मत तथा खरीदका लागि पहल भइरहेको बताएका छन्।</p>
<p>मेसिन मर्मत गरेर साथै नयाँ थप गरेर अस्पतालमा २४ सै घण्टा डायलिसिस सेवा शुरू गर्नुपर्ने मिर्गौला पीडितहरुको माग छ ।<em>रासस</em></p>
प्रतिक्रिया दिनुहोस्
.jpg)
