प्रधानमन्त्री गृह जिल्ला झापा जाँदै
<p>काठमाडौं। प्रधानमन्त्री केपी शर्मा ओली आज गृहनगर झापाको दमक जाँदै छन्।</p>
<p>प्रधानमन्त्री ओलीले झापाबाट इलाम हुँदै पाँचथर जाने रवि-चिसापानी कालोपत्रे सडकको शिलान्यास गर्ने कार्यक्रम छ।</p>
<p>उनले कृष्‍णमन्दिर-बेलडाँगी सडकको उद्घाटन गर्ने छन्।</p>
<p>त्यस्तै प्रधानमन्त्रीले आजै मिक्लाजुङ गाउँपालिकाको दमक र मोरङको सीमामा पर्ने रतुवा खोलामा निर्मित पक्की पुलको उद्घाटन गर्नेछन्।</p>
<p>दमक नगरपालिका-१ मा निर्माण गरिएको विपन्‍न नमूना बस्तीको उद्घाटन गरेर प्रधानमन्त्रीले विपन्‍नलाई हस्तान्तरण गर्ने कार्यक्रम रहेको दमक नगरपालिकाका उपसचिव दिनेसकुमार न्यौपानेले <em>देखापढी</em>लाई बताए।</p>
<p>उनले बेलडाँगीमा दिउँसो दुई बजे सभालाई सम्बोधन गर्ने छन्।</p>
<p>प्रधानमन्त्रीका प्रेस विज्ञ रामशरण बजगाईका अनुसार प्रधानमन्त्री ओली बिहान १० बजे जहाजबाट झापातर्फ गएर आजै अपरान्ह चार बजे काठमाडौं फर्कने छन्।</p>
प्रतिक्रिया दिनुहोस्
.jpg)
