" />
‘मदिरा पार्टी’बारे पृथ्वीसुब्बाको सचिवालयले भन्यो- ‘मर्यादाविपरीत काम भएको छैन’
<p>काठमाडौं। गण्डकी प्रदेशका मुख्यमन्त्री पृथ्वीसुब्बा गुरुङले मर्यादाविपरीत काम नगरेको उनको सचिवालयले दाबी गरेको छ।</p>
<p>मुख्यमन्त्री गुरुङले कार्यकक्षमै ‘मदिरा पार्टी’ गरेको भनेर आएका समाचारको खण्डन गर्दै सचिवालयले घटनालाई अतिरञ्जित गर्न खोजिएको आरोप समेत लगाएको छ।</p>
<p>मुख्यमन्त्री गुरुङको निजी सचिवालयले आज जारी गरेको विज्ञप्ति अनुसार सार्वजनिक भएका फोटो र भिडिओ मुख्यमन्त्रीको कार्यकक्षको नभइ निवासको हो।</p>
<p>मुख्यमन्त्री गुरुङको जेठानको परिवार बेलायतबाट आएको सन्दर्भमा २ फागुनमा गुरुङको निवासमा पाहुना खानाको व्यवस्था गरिएको बताइएको छ। </p>
<p>सोही दिन मुख्यमन्त्री गुरुङको जन्मदिन पनि परेकाले निवासमा गुरुङ जातिको संस्कार अनुसार पारिवारिक जमघट गरिएको सचिवालयले स्पष्ट पारेको छ। </p>
<p>‘भिडिओ र फोटोहरूलाई मुख्यमन्त्रीज्यूको सरकारी कार्यकक्षमै मदिरापान गरेको भन्दै सार्वजनिक गर्नु बिडम्बनापूर्ण छ’, सचिवालयले जारी गरेको विज्ञप्तिमा भनिएको छ, ‘गुरुङ जातिको संस्कार अनुसारको पारिवारिक जमघटको क्रममा कुनै मर्यादा विपरित कार्य नभएको र अतिरञ्जित गर्न खोजिएजस्तै त्यस्तो नियत पनि नरहेको स्पष्ट पार्न चाहान्छौँ।’</p>
<p>यस विषयमा कुनै भ्रममा नपर्न पनि विज्ञप्तिमार्फत आग्रह गरिएको छ। </p>
<p style="text-align:center"><img alt="" height="2015" src="https://www.dekhapadhi.com/storage/photos/shares/Province/Gandaki/86616197_874902956275345_2294689941218656256_o.jpg" width="1426" /></p>
प्रतिक्रिया दिनुहोस्
.jpg)
