सरकारले फिर्ता ल्यायो व्यक्तिको नाममा दर्ता भएकाे २६४ बिघा सरकारी जमिन
<p>काठमाडौं। सरकारले व्यक्तिका नाममा दर्ता भएका २६४ बिघा सरकारी जमिन फिर्ता ल्याएको छ।</p>
<p>अतिक्रमण गरेर व्यक्तिका नाममा दर्ता भएको विभिन्न ठाउँका सरकारी जग्गा सरकारको नाममा दर्ता गरिएको भूमि व्यवस्था, सहकारी तथा गरिबी निवारणमन्त्री पद्‍मा अर्यालले बताइन्।</p>
<p>उनले सरकारी जग्गामा आँखा लगाउनेलाई कुनै हालतमा पनि नछोड्ने बताएकी छन्।</p>
<p>काठमाडाैं महानगरपालिका–३१ (साविकको वडा नम्बर १०) अन्तर्गतको जग्गामा सरकारी बोर्ड गाड्दै उनले यस्तो बताएकी हुन्।</p>
<p>डिल्लीबजार मालपोत कार्यालयअन्तर्गत रहेका सरकारी जग्गा यकिन भएको र अन्य चारवटा वडाहरूमा पनि प्रोफइल बनाउने काम सरकारले सम्पन्न गरेको मन्त्री अर्यालको भनाइ छ।</p>
<p>मन्त्रालयले आज काठमाडौं महानगरको वडा नम्बर ३१ मा रहेको कित्ता नम्बर ३७६, १८, ३७५, २८६, २८८ गरी कुल पाँच हजार ३४७ दशमलव ५१ वर्गकिलोमिटर अतिक्रिमित जग्गामा सरकारी बोर्ड राखेको हो।</p>
<p> </p>
प्रतिक्रिया दिनुहोस्
.jpg)
