उद्योग राज्यमन्त्री दुगड र यूएईका उद्योगमन्त्रीबीच भेटवार्ता
<p>काठमाडौं। उद्योग, वाणिज्य तथा आपूर्ति राज्यमन्त्री मोतिलाल दुगड र यूएईका ऊर्जा तथा उद्योगमन्त्री सुहेल मोहमद फराज अलबीच आज भेटवार्ता भएको छ।</p>
<p>युएईको ऊर्जा तथा उद्योग मन्त्रालयमा भएको भेटमा दुईपक्षीय विषयमा छलफल भएको राज्यमन्त्री दुगडले दिए।</p>
<p>वार्ताका क्रममा दुई देशबीच जलविद्युत, नवीकरणीय ऊर्जा तथा पर्यटन क्षेत्रको विकासमा लगानी गर्न सकिने विषयमा पनि छलफल भएको दुगडकाे भनाइ छ।</p>
<p>भेटमा राज्यमन्त्री दुगडले नेपालमा कृषि, पर्यटन, जलविद्युत, ऊर्जालगायतका क्षेत्रहरूमा लगानीको धेरै सम्भावना रहेको बताउँदै यूएई सरकार र निजी क्षेत्रहरूलाई नेपालमा लगानी गर्न आह्वान गरेका थिए।</p>
<p>दुबईमा आयोजना हुने एक्सपो २०२० का प्रतिनिधिहरूसँग भेटघाट तथा एक्सपोमा बनिरहेको नेपाल पेविलियनको निरीक्षणका लागि राज्यमन्त्री दुगड ३ फागुनमा यूएई गएका हुन्।</p>
<p>भेटघाटमा यूएईका लागि नेपाली राजदूत कृष्ण ढकाल, उपनियोग प्रमुख रीता धितालको समेत उपस्थिति थियो।</p>
प्रतिक्रिया दिनुहोस्
.jpg)
