सफाइ पाएपछि महराले भने- अदालतलाई धन्यवाद ! (विज्ञप्तिसहित)
<p>काठमाडौं। पूर्वसभामुख कृष्णबहादुर महराले अदालतलाई धन्यवाद दिएका छन्। </p>
<p>काठमाडौं जिल्ला अदालतबाट जबर्जस्ती करणी मुद्दामा सफाइ पाएपछि महराले एक विज्ञप्ती जारी गर्दै अदालतको फैसलाप्रति अभार व्यक्त गरेका हुन्। </p>
<p>“अन्ततः म माथि लगाइएको आरोप गलत सावित भएको छ। सम्मानित अदालतले मलाई निर्दोष ठहर गर्दै सफाइ दिएको छ”, महराले भनेका छन्, “म सम्मानित अदालतप्रति विशेष आभार एवं धन्यवाद व्यक्त गर्दछु।”</p>
<p>उनले आफ्नो कारागार बसाईका क्रममा सद्भाव र सहानुभूति दिने समर्थक, शुभचिन्तक, अस्पतालका स्वास्थ्यकर्मी र कर्मचारी, प्रहरी मित्र तथा डिल्लीबजार कारागारका सम्पूर्ण बन्दीलाई पनि धन्यवाद भनेका छन्।</p>
<p>“एक देशभक्त नेपालीका रूपमा मुलुकको स्वाधीनताको रक्षा मेरो पहिलो र उच्च प्राथमिकतामा सधैं थियो, अहिले पनि छ र सदैव रहिरहनेछ”, उनले लेखेका छन्, “नेपालको राष्ट्रिय स्वाधीनता र नेपाली जनताको स्वतन्त्रता इतिहासदेखि नै गौरवपूर्ण रहेको छ र सधैं रहिरहनेछ।”</p>
<p style="text-align:center"><img alt="" height="2216" src="https://www.dekhapadhi.com/storage/photos/shares/Politics/press statement Krishna Bdr Mahara.jpg" width="2550" /></p>
<p> </p>
<p> <br />
</p>
प्रतिक्रिया दिनुहोस्
.jpg)
