.jpg)
चीनबाट ल्याइएका कसैलाई कोरोना भाइरस संक्रमणको लक्षण देखिएन
<p>काठमाडौं। कोरोना भाइरसको उद्गमस्थल चीनको वुहानबाट उद्दार गरेर ल्याइएका १७५ जना नेपाली कसैमा कोरोना भाइरस संक्रमणको लक्षण नदेखिएको स्वास्थ्य मन्त्रालयले जनाएको छ।</p>
<p>नेपाल वायुसेवा निगमको चार्टर्ड जहाजबाट ४ फागुन बिहान त्रिभुवन अन्तर्राष्‍ट्रिय विमानस्थल अवतरण गरेका उनीहरूलाई भक्तपुरस्थित खरिपाटी क्वारेन्टाइनमा राखिएको छ।</p>
<p style="text-align:justify">उद्दार गरिएकामा १३४ जना पुरूष र ४१ जना महिला छन्।</p>
<p style="text-align:justify">पहिलो दिन ४ फागुनमा क्वारेन्टाइनमा रहेका १७५ जनाकै घाँटीको स्वाव नमूना संकलन गरिएको थियो।</p>
<p>स्वास्थ्य तथा जनसंख्या मन्त्रालयका सहायक प्रवक्ता सागर दाहालका अनुसार स्वास्थ्य अवस्थाको पछिल्लो जानकारीका लागि घाँटीको र्‍र्‍याल (थ्रोट स्वाव) नमुना संकलन गरिएको हो।</p>
<p>संकलित थ्रोट स्वाव परीक्षणका लागि टेकुस्थित राष्ट्रिय प्रयोगशालामा पठाइएको छ।</p>
<p>दाहालले भने, "सबैजना सकुशल हुनुहुन्छ। अहिलेसम्म कोभिड-१९ भाइरस संक्रमणको कुनै लक्षण देखिएको छैन।"</p>
<p>क्वारेन्टाइन अवधिभर नियमित स्वास्थ्य जाँच र शंकास्पद लक्षण देखिएमा प्रयोगशाला परीक्षण र उपचारको लागि अस्पतालमा व्यवस्था मिलाइएको आजको अन्‍नपूर्ण पोष्टमा समाचार छ।</p>
प्रतिक्रिया दिनुहोस्
.jpg)
